Μνήμη του εν αγίοις πατρός ημών Νεκταρίου,
Μητροπολίτου Πενταπόλεως, του Θαυματουργού.

Ποιήμα του Οσιολογιωτάτου Μοναχού Γερασίμου Μικραγιαννανίτου, Υμνογράφου της Μεγάλης του Χριστού Εκκλησίας.

ΕΝ ΤΩ ΜΙΚΡΩ ΕΣΠΕΡΙΝΩ

Ιστώμεν στίχους δ' καί ψάλλομεν τα εξής Προσόμοια.
Ήχος δ'. Ως γενναίον εν Μάρτυσι.
Των οσίων τοις ίχνεσιν, ιεράρχα Νεκτάριε, εν εσχάτοις έτεσιν ηκολούθησας, τη καθαρά πολιτεία σου, καί τρόπων χρηστότητι, και φρονήσει αληθεί, και αγάπης ταις χάρισι, διαάτούτο σε, ο των όλων Δεσπότης αγιάσας, των Αγίων τη χορεία, περιφανώς σε ηρίθμησε.

Ως το νέκταρ της χάριτος,φερωνύμως δεξάμενος, ιερέ Νεκτάριε τη καρδία σου, τη των σων λόγων γλυκύτητι, ευφραίνεις εν Πνεύματι, τας ψυχάς των ευσεβών, ως σοφός και θεόπνευστος, καί θαυμάτων σου, ταις ακτίσιν αεί καταπυρσεύεις, του Χρίστου την Εκκλησίαν, λαμπρυνομένην τη δόξη σου.

Εις οσμήν την ουράνιον, των τιμίων λειψάνων σου, δοξασθέντων χάριτι θείου Πνεύματος, μετ' ευλαβείας προστρέχοντες, Νε-κτάριε όσιε, εξ αυτών αγιασμόν, και παθών απολύτρωσιν κομιζόμεθα, και ιάσεις λαμβάνουσι ταχείας, οι νοσούντες ανιάτως, μεγαλοφώνως τιμώντες σε.

Την Μονήν ην ανήγειρας, και κανόσι τετείχικας, εις ψυχών Νε-κτάριε περιποίησιν, σκέπε απαύστως και φύλαττε, Αιγίνη τη νήσω δε, δίδου Πάτερ δαψιλώς, την θερμήν σου αντίληψιν, προς τον Κύριον, υπέρ ταύτης αεί καθικετεύων, συν τω ταύτης Ποιμενάρχη, Διονυσίω τω μάκαρι.
Δόξα... Ήχος α'
Δεύτε άπαντες πιστοί, τον νεοφανή φωστήρα της Εκκλησίας, Νεκτάριον τιμήσωμεν ούτος γαρ εν ταις καθ' ημάς ημέραις, εν οσιότητι και αληθεία, θεοπρεπώς πολιτευσάμενος, των πάλαι Αγίων, τας αρετάς ανεμάξατο, και σκεύος εκλογής, κατά Παύλον γενόμενος, επαξίως δεδόξασται, τη αγιαστική του Πνεύματος χάριτι, παρέχων ενί έκάστω, τα προς σωτηρίαν αιτήματα, ως ιεράρχης ενθεώτατος,
Και νυν... Θεοτοκίον.
Aμαρτωλών τας δεήσεις προσδεχομένη, και θλιβομένων στεναγμόν μη παρορώσα, πρέσβευε τω εξ αγνών λαγόνων σου, σωθήναι ημάς, Παναγία Παρθένε.

-Α π ό σ τ ι χ α.
Ήχος β'. Οίκος του Εφραθά.
Nέκταρ το νοητόν, της χάριτος τω λόγω, Νεκτάριε πηγάζεις, Χριστού τη Εκκλησία, ως καθαρθείς τω πνεύματι.
Στίχ. Οι ιερείς σου Κύριε ενδύσονται δικαιοσύνην...
Mέγας ως αληθώς, θεράπων του Κυρίου, εν τοις εσχάτοις χρόνοις, Νεκτάριε εδείχθης, και τους πιστούς εστήριξας.
Στίχ. Τίμιος εναντίον Κυρίου...
Χαίρει πνευματικώς, Χριστού η Εκκλησία, ορώσά σου την χά-ριν, ην ουρανόθεν εύρες, Νεκτάριε πατήρ ημών.
Δόξα... Τριαδικόν.
Σοι πρέπει παντουργέ, Τρισήλιε θεότης, η αίνεσις και δόξα, ότι τον Ιεράρχην, τον θείον σου εδόξασας.
Και νυν... Θεοτοκίον.
Λόγοις εν ιεροίς, κηρύττει σου την δόξαν, Παρθένε Θεοτόκε, Νεκτάριος ο θείος, ο δοξασθεις τω Πνεύματι.
Νυν απολύεις... Τρισάγιον. Απολυτίκιον εκ του μεγάλου Εσπερινού,και Απόλυσις.